Modelja me famë ndërkombëtare Gigi Hadid është bërë nënë për herë të parë në muajin shtator të vitit që lamë pas. Ajo solli në jetë një vajzë dhe në një intervistë të dhënë se fundmi, ka treguar si shkoi procesi i lindjes për të.

“Një moment po mendoja se lindja me epidural do të ishte më e thjeshtë. Por mamia më pa dhe më tha: ‘Ti po ja del. Asgjë nuk do të të ndihmojë, kështu që duhet të shtysh njësoj si në një shtrat spitali”, rrëfeu modelja.

Gigi jo vetëm që ka mbajtur të fshetë emrin dhe portretin e të bijës, por gjithashtu ka ruajtur një profil shumë të ulët publik edhe gjatë kohës së shtatzanisë. Kanë qenë shumë të pakta imazhet e saj me barkun e rrumbullakosur, derisa së fundmi vendosi të rikthehet pas në kohë e të na tregojë si dukej gjatë pritjes së ëmbël.

Gjithashtu në një video të realizuar së fundmi për “Vogue”, duket edhe një tatuazh i veçantë në krahun e modeles.

Të njëjtin tatuazh e ka dhe Zayn, ndërsa “People” shkruan se ky tatuazh është emri i vajzës së tyre, në gjuhën arabe.