Dashi
Gushti ka qënë një muaj i mrekullueshëm për ju dhe pasojat pozitive do të ndihen edhe në shtator, kryesisht në fushën e dashurisë apo edhe tek fëmijët tuaj. Nga gjysma e dytë e muajit do të ndiheni fitimtarë në lidhje me një projekt dhe ky është një avantazh në fushën profesionale. Nëse jeni vetëm mund të merrni një propozim në ditët e fundit të shtatorit.
Demi
Muaji shtator për ju do të jetë muaji që do t’ju japë një jetë argëtimi dhe dashurie, dhe nëse jeni vetëm shumë shpejt do të gjeni një tip që do të përshtatet më së miri me ju. Pra nëse gjatë muajit gusht ishit të përqëndruar tek karriera këtë muaj vëmendjen tek ju do ta ketë argëtimi, jeta sociale dhe dashuria.
Binjakët
Nëse kolegët tuaj këtë muaj do të postojnë foto nga pushimet e tyre nëpër rrjetet sociale, juve jo! Do të jeni tepër të përqëndruar në karrierën tuaj dhe nuk keni aspak kohë për të humbur. Energjia pozitive e një karriere të mirë të do të ndihet edhe në jetën tuaj sociale si edhe atë private.
Gaforrja
Këtë muaj vëmendja juaj do të jetë tek paratë dhe në përgjithësi financat tuaja do të jenë tepër pozitive. Gjithashtu edhe karriera juaj do të ketë një ecuri të mirë, e cila do të sjellë të ardhura më të mira në jetën tuaj. Këtë muaj do të keni mundësi të udhëtoni, udhëtim i cili mund të kryhet me partneren tuaj apo vëllain/motrën.
Luani
Do të merrni të reja në lidhje me miqtë apo disa familjarë. E madje të reja do të mund të merrni edhe nga nje person që ka lidhje me një projekt tuajin, në lidhje me marrjen e disa dokumentave apo një vize pune. Këtë muaj edhe financat tuaja do të jenë në qendër të vëmendjes, ndërkohë që do t’ju duhet të tërhiqni para nga banka apo të merrni hua.
Virgjëresha
Hëna e plotë në shenjën tuaj këtë muaj do të bëjë që të takoni një person të ri dhe nëse jeni në një lidhje ka shumë mundësi që ajo të bëhet edhe më tepër serioze. Nëse keni pasur një keqkuptim me partnerin tuaj ka shumë mundësi që këto ditë ta zgjidhni më së miri. Financat do të jenë deri diku të mira, por do të shkëlqeni në fushën e romancave!
Peshorja
Këtë muaj dhe në përgjithësi në muajt në vazhdim të këtij viti do të keni shumë fat, si pasojë e kthimit pas 12 vitesh të Jupiterit në shenjën tuaj, i cili tek ju do të qëndrojë edhe këtë muaj. Nëse keni plane në fushën sociale apo karrierë është mirë t’i zbatoni këtë shtator. Edhe në dashuri do të ndiheni tepër të lumtur e madje do të shkoni në shumë festa së bashku me partnerin.
Akrepi
Me përfundimin e verës po i vjen fundit edhe kohës së kaluar jashtë me miqtë. Megjithatë shtatori do të jetë sërish një muaj i bukur për t’u kaluar në qetësi me shoqërinë. Do të keni mundësi të reja në karrierë dhe mundësi që lidhja juaj e dashurisë të bëhet më serioze.
Shigjetari
Ky për ju do të jetë muaji më i mirë i vitit 2017, dhe madje do të mendoni edhe të ndërmerrni një udhëtim. Këtë muaj gjithashtu me shumë mundësi do të aplikoni për një vend të ri pune dhe do të ngjiteni vrullshëm në karrierë. Në dashuri do të ndieni një liri nga ana e partnerit që nuk e kishit ndier me parë.
Bricjapi
Jeni në shtator, dhe zakonisht ky është një muaj i mirë për shenjën tuaj. Me paratë do të jeni disi mirë në fillim të shtatorit, për të ndier një rritje rreth datës 21. Edhe në karrierë jeni duke pasur një periudhë shumë të mirë. Dashuria? Do të përjetoni edhe udhëtime të bukura me partnerin, e nëse jeni vetëm në këto udhëtime do të njihni persona interesantë.
Ujori
Ju nuk jeni një person që i kushtoni shumë rëndësi parave, megjithatë vështirësitë që do të ndieni kohët e fundit do t’ju bëjnë që mendja juaj të shkojë më tepër se zakonisht tek financat. Do të keni ide tepër kreative në punë dhe madje do të keni edhe persona kreativë rreth vetes prandaj duhet të përfitoni. Njohje të reja janë duke ardhur në jetën tuaj.
Peshqit
Ky do të jetë një muaj i mrekullueshëm për ju. Shëndeti juaj do të jetë shume mire, projektet tuaja do të realizohen edhe nëse më parë janë dukur si të pamundura dhe në dashuri do të përjetoni një fazë shumë emocionuese dhe të bukur.

Sorry, there are no polls available at the moment.

')}