Gazetarja dhe moderatorja Eni Vasili, u bë nënë për herë të parë mbrëmjen e djeshme. Ajo mirëpriti në jetë dy vajza binjake, për të cilat zgjodhi emrat Sofi dhe Nikol.

Ditën e sotme, ajo e ka nisur me një postim në rrjetet sociale, ku ka publikuar foton e parë të vajzave. Duken dy duart e vogëlisheve, të kapura pas gishtit të saj.

“Takimi ynë i parë ishte një magji. Sofi dhe Nikol me risollën në jetë me lindjen e tyre. Të bekuara qofshin”, janë fjalët me të cilat gazetarja shoqëron foton.

Gazetarja ka qenë prezente me punën e saj në ekran gjatë gjithë shtatzanisë, në momente të rëndësishme e të vështira, që lidhen  me pandeminë, politikën, zgjedhjet etj.