Që mbrëmjen e djeshme, moderatorja e dashur për publikun “paralajmëroi” gjëra të bukura për ditën që vijonte, pas publikimit të disa ëmbëlsirave, ku shkruante se këto ishin tradita ditëlindjesh.

Ditëlindjet janë gjithmonë të bukura dhe na bëjnë nga pak të ndihemi fëmijë brenda vetes, të presim urime e dhurata të bëra me zemër, nga njerëzit tanë të zemrës.

Sot feston ditëlindjen partneri i moderatores, regjisori Eduart Grishaj dhe Arbana ka zgjedhur një foto të një udhëtimi të vjeshtës së kaluar si dhe fjalë të ngrohta, të dala nga shpirti i saj.

“Gëzuar ditëlindjen shoku im i shpirtit, miku im më i mirë, i vetmi që ka zemrën time (që së shpejti do të bëhet baba). Të dua Eduart Grishaj”,- shkruan Arbana duke uruar partnerin dhe njëherazi duke dhënë lajmin më të bukur të kësaj kohe se do të bëhet nënë për herë të dytë!

I urojmë Gëzuar Ditëlindjen Eduartit dhe Arbanës shtatzani të mbarë e pritje sa më të ëmbël!