Moderatorja Bieta Sulo është personazhi kryesor i numrit aktual të revistës Class. Ndër të tjera, në një rrëfim për jetën e saj, ajo ka folur edhe për familjen dhe vogëlushin Kroi.
E pyetur se çfarë bën Kroi kur e shikon në ekran, Bieta tregon se më parë qante sapo dëgjonte zërin e saj, ndërsa tani e thërret “mama, mama”. Ka pasur edhe raste kur ai është afruar dhe ka puthur ekranin, ose i ka kërkuar Albanit ta telefonojë Bietën me video, gjë që tregon se vogëlushin e merrte malli për të ëmën.
Në një rrëfim shumë të sinqertë, Bieta thotë se për një kohë të shkrutër ka përjetuar edhe depresionin pas lindjes. Ajo tregon se kur njerëzit e uronin për djalin i vinte për të qarë dhe s’e kuptonte pse.
Por, ajo që e ndihmoi për ta kaluar ishte fakti që doli shpejt nga shtëpia dhe këtë ua rekomandon nënave të reja, të takojnë njerëzit e afërt me fëmijën me vete, që të ndiejnë se gjërat janë po njësoj, vetëm se tani me më shumë lumturi, që e sjell i porsalinduri.
Kroi ka edhe një motër më të madhe nga i ati dhe Bieta tregon se duhen shumë, madje vogëlushi e thërret Xhej dhe kalon shumë kohë me të, kur ajo i viziton në shtëpi.
Për të lënë një koment ju duhet të jeni regjistruar Identifikohu