Ndonëse personazhet e politikës përpiqen ta mbajnë larg mediave jetën e tyre publike, jo gjithmonë ia dalin mbanë.

Ky është edhe rasti i ish-ministrit të Brendshëm Saimir Tahiri, i cili me sa duket do të bëhet baba për herë të dytë.

Mediat në vend sot kanë publikuar lajmin se bashkëshortja e Tahirit, Fatlinda do të sjellë në jetë fëmijën e dytë.

Deri tani mësohet se ajo është në javët e fundit të shtatzënisë ndërsa gjinia e bebit është djalë, shkruan GSH.al.

Kujtojmë se çifti Tahiri janë prindër të një djaloshi 8-vjeçar të quajtur Drin, me të cilin ish-ministri publikon shpesh foto apo video në rrjetet sociale.

Ndonëse këto kohë kanë qenë të vështira për Saimir Tahirin për shkak të problemeve gjyqësore, jeta familjare duket se ecën më së miri.