Në kohët moderne prindërit mund të ndahen dhe të krijojnë secili jetën e tyre, por dashuria për fëmijët dhe përkushtimi mbeten gjithmonë.

Këtë ka treguar në intervistën e saj të fundit blogerja e njohur Armina Mevlani, e cila ka rrëfyer marrëdhënien e saj me djalin e ish-kryeministrit Sali Berisha, Shkëlzenin.

Ky i fundit ka qenë dikur i martuar dhe nga martesa e parë ka dy fëmijë, një djalë dhe një vajzë.

Armina ka treguar që i do shumë fëmijët e partnerit të saj pasi e di që fëmija që ajo do të bëjë një ditë nuk do të jetë i vetëm, pa motër pa vëlla.

Ndër të tjera ajo ka rrëfyer edhe se kur ka ndërmend të bëhet nënë.

‘Absolutisht qe e kam menduar. Unë në fakt jam e lumtur qe Zeni i ka 2 fëmijë të cilët i dua shumë. Do e di qe fëmija im nuk do jetë i vetëm, si unë, pa motër dhe vëlla. Unë dua të kem fëmijë, dhe Zeni nuk me ka bërë asnjëherë presion, por duke qene se jemi te dy të zënë në udhëtime, dua që të jetë koha perfekte për këtë hap, që të angazhohem maksimalisht tek familja. Unë jam 28 vjeç dhe shoqet e mia mendojnë ndryshe por unë mendoj qe kur te vijë koha e duhur është më mirë dhe sigurisht pas martese’, deklaroi Armina.