Varur në kuzhinën e murit të shpisë brenda vilës multi-milionerë të Mesut Ozil në Londrën Veriore qëndron letra e nënës së tij të ndjerë.

Guzilar Ozil e vari vetë këtë letër pak pasi Ozil kaloi nga Real Madriti në skuadrën e Arsenalit për rreth 42.5 milionë paundë gjashtë vite më parë.

“Mesut, mos harro bir se ti je thjesht një kalimtar në këtë botë, ashtu si gjithëkush. Zoti të ka dhuruar talent, por jo vetëm për veten tënde.

Nëse nuk e ndan pasurinë e fituar me njerëzit që kanë nevojë për të, atëherë nuk je biri im”, shkruhet në letër.

Letra e nënës shpjegon edhe arsyen pse superstari i 350 mijë paundëve në javë  është në një sfidë personale për të ndihmuar të uriturit, të sëmurët dhe të pastrehët në botë.