Ajo është një artiste shumë e njohur, një emër i rëndësishëm i muzikës e skenës shqiptare, megjithatë kur vjen puna tek fëmijët, është nënë si gjithë nënat, e aq më tepër ato shqiptare.
Bëhet fjalë për këngëtren Albërije Hadërgjonaj, e cila ka qenë e ftuara e djeshme e emisionit “NIN”, ku ka folur ndër të tjera edhe për anën e saj personale.
Siç të gjithë dashamirësit e saj e dinë, Albërija ka dy vajza Anxhelinën dhe Agnesën, të cilat i ka rritur e vetme, pa bashkëshortin në krah. Në këto kushte, mëmësia e vetë prindërimi ka më tepër sfida e vështirësi dhe këngëtarja ka ndarë disa prej tyre në këtë intervistë.
Albërija tha se e njohin si shumë të dashur e të butë me të gjithë, dhe realisht ashtu është, por me të bijat është shumë “e keqe”, kërkuese, e rreptë, madje pranoi se edhe e tepron ndonjëherë me to.
Ajo tha se pika kyçe të cilës i ka mëshuar fort në rritjen dhe edukimin e vajzave ka qenë arsimimi i tyre, për të krijuar baza ta fora në formimin e tyre. Ajo tha se është e vetdijshme se ka shumë nejrëz që ehde pa arsim në një fushë të caktur, mund të shkëlqejnë, ose të jenë arsimuar në një degë, e ta kenë gjetur suksesin në një degë tërësisht tjetër, megjithatë theksoi fort se për të si nënë ka qenë shumë e rëndësishme që vajzat e saj të jenë të sigurta e me themele të forta, për të qenë komode në lëkurën e tyre.
Këngëtarja ceku gjithashtu edhe suksesin që ka prekur vajza e saj e vogël Anxhelina, në muzikë në tregun ndërkombëtar. Krahas anës profesionale, ajo tha se si nënë, i është dashur ta mbështesë vajzën në këtë rrugëtim duke larë rrobat, gatuar etj, duke shtuar edhe nota humori.
Megjithatë, nga kjo intervistë kuptuam se pavarësisht suksesit, arritjeve, famës e jetës që shohim në ekran, nënat janë gjithmonë nëna dhe raporti me fëmijët mbetet unik.
Për të lënë një koment ju duhet të jeni regjistruar Identifikohu