Ajo është një figurë shumë e dashur për publikun, si balerinë, moderatore, si sipërmarrëse por edhe për profilin familjar që së bashku me bashkëshortin, aktorin e humorit Ermal Mamaqi, shfaqin. Bëhet fjalë për Amarda Toskën, ose e njohur ndryshe Amin, të cilën e do i gjithë publiku.
Sot, si rrallëherë, ajo u ka dhënë mundësinë ndjekësve t’i drejtojnë pyetje për të cilat kanë kuriozitet, përmes rubrikës në Instagram.
Krahas pyetjeve të tjera, fansat kanë qenë të interesuar të dinë se kujt i ngjan vajza e tyre Sia. Kurioziteti për të është i lartë, pasi në çdo postim, Ami dhe Ermali kujdesen të mos ia zbulojnë portretin, duke lënë gjithmonë diçka pa treguar prej saj.
Edhe në postimin ku është përgjigjur, ka ndodhur e njëjta gjë. Ami ka publikuar një foto me vajzën e Ermalin, por pa treguar fytyrën e vogëlushes. Ajo thotë se këtë përgjigje nuk e kanë as vetë, pasi ende nuk dinë ta përcaktojnë se më kë prej të dyve ka më shumë ngjashmëri Sia.
Për të lënë një koment ju duhet të jeni regjistruar Identifikohu