Misi shqiptar, tashmë e angazhuar edhe në aktrim, Almeda Abazi është në pritje të fëmijës së saj të dytë.

Lajmin e dha ajo vetë përmes disa fotove me bashkëshortin në Instagram.

“Bebushi numër dy po vjen. Mezi po pres të të takoj, i vogli/e vogla!”, shkroi Almeda krahas fotove.

Aktorja ka treguar gjithashtu më herët se në këtë shtatzëni nuk po ndihet aq mirë sa në shtatzaninë me Efen.

Ndërkohë ndjekësit kanë ngritur dyshime se ajo mund të jetë duke pritur binjakë, por Almeda është e sigurt që brenda saj po rritet vetëm një bebush.

Ndërsa pyetja që i bëhet më shpesh është nëse ka qenë një shtatzani e planifikuar apo jo.

“Me apo pa plan? Se mua më erdhi pa plan dhe ishte më mirë se rriten shumë shpejt.”- pyeti një ndjekëse të cilës aktorja iu përgjigj:

“Pa! Por sigurisht që shumë e lumtur dhe pse surprizë”

Edhe fëmijën e saj të dytë, Almeda do ta mësojë të flasë shqip, pasi ka treguar se gjithmonë në shtëpi flet shqip.