Nuk ka gjë më të bukur se të kalosh ditën me fëmijën tënd, të provosh eksperienca të reja. Nuk ka gjë më të bukur për një prind të shohë fëmijën teksa rritet dhe mëson çdo ditë, sepse ata mësojnë gjatë çdo veprimtarie që bëjnë gjatë ditës. Ju duhet të ndiheni të lumtur se çdo mëngjes do të zgjoheni për të kaluar edhe një ditë tjetër pranë vogëlushit tuaj.

Si mund të kalohet një ditë argetuese me një fëmijë të vogël?

Së pari na duhet t’ju themi se fëmijës i bëjnë shumë mirë shëtitjet  dhe lojrat në ajër të pastër, për këtë arsye duhet të përpiqeni që të paktën 45 minuta në ditë ta nxirrni në park. Kujdes nëse fryn shumë erë apo është mot i lagësht. Nëse fëmija do të jetë pak më i rritur mund të kaloni edhe pak kohë duke notuar apo duke kryer një veprimtari tjetër sportive. Sigurisht që pjesa tjetër e ditës do të kalohet në shtëpi dhe këtu fillon problemi për shumë nëna të cilat shpesh ndihen konfuze në lidhje me mënyrën që duhet të përdorin për të argëtuar fëmijët.

Ja disa aktivitete që mund të bëni në shtëpi

• Luani kukafshehtas;
• Lexoni libra;
• Luani me flluckat e sapunit;
• Shkruani me shkumës në një tabelë;
• Ndërtoni një shtëpi me kuba;
• Këndoni këngë;
• Ngjyrosni;
• Luani me top;
• Ngjyrosni apo vizatoni duart e njëri-tjetrit;
• Kërceni;
• Bëni biskota;
• Luani me kafshët plastike.

Fëmija ka nevojë të bëjë çdo ditë dicka ndryshe dhe një alternativë gjatë shëtitjeve do të ishte edhe frekuentimi i cirkut, kopshtit zoologjik, kinemasë, pra e bëni çdo ditë edhe më të bukur për të!

Lexoni edhe: Perse argetimi i femijes konsiderohet si “detyre” e nenes?