Të jesh prind është e vështirë por edhe të jesh gjysh apo gjyshe është e tillë. Sipas Howard Chillton, neonatolog me famë botërore dhe njëkohësisht gjysh, vështirësia qëndron në faktin se gjyshërit duhet të duan nipërit por pa e “pushtuar” lirinë e familjes së tyre, dhe mbi të gjitha pa zëvendësuar figurën e prindërve.

Atëherë si duhet të sillen gjyshërit?

1. I ndihmoni por mos këshilloni. Të pakten jo nëse nuk jua ka kerkuar askush. Nëna e re ka shumë më nevojë për ndihmë pas lindjes.
2. Mos u përpiqni të zëvendësoni babain. Shpesh gjyshërit, veçanërisht gjyshet, kanë tendencën të “fshihen”pas figurës së babait duke qënë se ai është në punë për një kohë të gjatë.
3. Lajmëroni para se të shkoni për vizitë. Nëna e re mund të jetë në gjumë pas një nate të gjatë apo mund të ketë duke u marrë me punë të tjera.
4. Eleminoni shprehjet negative të tipit “të pata thënë”. Në vend të kësaj diskutoni dhe jepni argumenta të sakta.
5. I merrni nënës leje para se t’ja merrni fëmijën nga krahu. Mos harroni se në fillim ajo është shumë emocionale dhe mund të shprehë momente “xhelozie”.