Ju nuk duhet të jeni të habitur në se fëmija shfaq krizat e zemërimit vetëm kur ndodhet përballë jush si prindër. Pjesa më e madhe e fëmijëve nuk duan t’i shpërthejnë ndjenjat e tyre përpara njerëzve të tjerë dhe janë më të kujdesshëm me njerëzit e huaj. Fëmijët ndihen më të sigurt kur i tregojnë ndjenjat e tyre para njerëzve që ata i besojnë. Duke ditur këtë, ju ende nuk jeni të aftë të parandaloni të gjitha krizat e inatit, por sugjerimet më poshtë mund t`ju ndihmojnë të pakësoni mundësinë e shfaqjes së një krize të tillë:

• Nxiteni fëmijën të përdorë fjalët për t`ju treguar ju se si ndihet. Përpiquni të kuptoni si ndihet dhe i mësoni fjalë që mund t’i përdorë kur do të përshkruajë ndjenjat e tij.
• Vendosni kufij të arsyeshëm dhe mos prisni që fëmija juaj të jetë i përsosur. Jepni sqarime të thjeshta për rregullat që keni vendosur dhe mos i ndryshoni rregullat.
• Mbani një rutinë të rregullt ditore, sa më shumë të jetë e mundur, kështu fëmija juaj e di se çfarë e pret, apo çfarë do të ndodhë.
• Pakësoni situatat të cilat e stërmundojnë fëmijën.
• Pakësoni vizitat e gjata apo qëndrimet e gjata në një vend ku fëmija juaj duhet të qëndrojë ulur, ose nuk mund të luajë për periudha të gjata kohe.
• Largoni vëmendjen e fëmijës tuaj nga aktivitete që ka të ngjarë të përfundojnë me një krizë nervozizmi.
• Lëreni fëmijën tuaj të zgjedhë sa herë që mendoni se duhet bërë, gjithmonë pa tejkaluar limitet.
• Bëhuni një shembull i mirë. Mos bërtisni, apo mos u grindni përpara fëmijës tuaj.