Si ta bejme femijen te na degjoje me kujdes?

Shpesh ndodh që të flasim me fëmijën ndërkohë që ai vazhdon të mos bindet për të bërë atë që i themi. Në fund të kësaj situate shpesh ndihemi shumë keq dhe pyesim veten si t’ja bëjmë me fëmijën, ku po gabojmë dhe sigurisht përpiqemi edhe të frenojmë një irritim të mundshëm që mund të ndodhe nga momenti në moment.

Ndoshta mund t’ju vijë në ndihmë një nga këshillat e mëposhtme!

Fillo duke tërhequr vëmendjen e fëmijës. Nëse nuk e bëni këtë nuk do të arrini të dëgjoheni prej tyre. Fikni të gjitha pajisjet që ndikojnë negativisht apo lojrat që tërheqin vëmendjen e tyre. Duhet të uleni në lartësinë e tij sa herë flisni, pra në gjunjë.
Specifikoni atë që jeni duke thënë. Mos flisni me fjalë të mëdha dhe fjali pa mbarim. Mos i jepni shumë urdhra në të njëjtën kohë dhe përcaktoni drejtimin që duhet të marrë (për shembull shko në banjo dhe laj dhëmbët). Pra ai duhet ta ketë të qartë atë që duhet të bëjë.
I jepni udhëzimet e duhura në lidhje me atë që duhet të bëjë. Për shembull nëse i thoni të rregullojë tavolinën duhet ta udhëzoni edhe si ta bëjë.
E urdhëroni të bëjë atë që duhet dhe mos e pyesni nëse duhet ta bëjë. I thoni se duhet të pastrojë dhomën e tij dhe jo nëse mundet apo jo ta bëjë.
Nëse e pyesni në lidhje me një gjë të caktuar, prisni pak para se ai të përgjigjet në mënyrë që fëmija të ketë kohën e duhur të përpunojë informacionin që mori nga ju. Pra nëse ai nuk ju përgjigjet menjëherë, nuk është duke ju injoruar.
I jepni fëmijës opsione zgjedhje. Zakonisht keshillohen dy opsione.
Krijoni një marrëdhënie të mirë me fëmijën tuaj. Kjo do të ndikojë drejtpërdrejt në aftësinë e tij për të dëgjuar më mirë atë që jeni duke i thënë.
Tregohuni empatikë. Pra vendoseni veten në pozicionin e tij për të kuptuar si ndihet. Nëse e bëni këtë do të gjeni gjithmonë fjalët e duhura.

Lexo edhe:

Si te qetesojme femijet tekanjoze dhe qaramane?

Pese filmat vizatimore me edukues per femijen