Në momentin që fillohet ushqyerja e fëmijës, drithërat do të jenë një pjesë shumë e rëndësishme e saj, të cilat do t’i japin organizmit të tij energjitë dhe vlerat ushqyese që ka nevojë. Ushqyerja e fëmijës zakonisht fillon nga muaji 5-6, gjithmonë me këshillën e pediatres.

Si duhen përgatitur drithërat për bebet?

• Mund të përgatiten me qumështin që zakonisht fëmija pi, pra gjiri ose formule. Disa lloje drithërash përgatiten me ujë duke qënë se e kanë qumështin brenda;
• Një alternativë do të ishte edhe përgatitja e tyre me lëngun e perimeve, ku më pas mund të shtonit edhe pure mishi, peshku apo perimesh.

Cila është sasia e duhur që duhet t’i japim fëmijës?

Zakonisht duhet të jetë:

• 15 gr në moshën 5-6 mujore;
• 20-25 gr në moshën 6-8 mujore;
• 25-30 gr në moshën 9-10 mujore.

Si duhen prezantuar?

• Fillohet me miellin e orizit i cili është më tepër i përshtatshëm për aftësitë tretëse të fëmijës në fillim të ushqyerjes. Vazhdohet më miellin e misrit dhe tapiokës, e cila është gjithashtu me shije të ëmbël dhe pa gluten.
• Pas muajit të 6 fëmijës mund t’i ofrohet mielli miks (4 cerealet) të cilat japin një pure disi më të ngurtë. Më pas mund t’i përdorni edhe një lloj “makarone” bebesh e quajtur “semolino”, i cili është në formë kokrrizash.

Lexoni edhe: Cfare duhet te haje nje femije ne mengjes