Krahas vetive të njohura nutraceutike, për shkak të përmbajtjes së lartë të acideve yndyrore të pangopura dhe përbërjeve fenolike, vaji i ullirit ka edhe një veprim të fuqishëm antimikrobik kundër baktereve të ndryshme patogjene. Ky aktivitet antibakterial e bën atë një përbërës të dobishëm në të gjitha ato ushqime që i nënshtrohen proceseve minimale industriale, siç janë sallatat e ambalazhuara (të konsideruara të gamës së katërt).

Kjo u mbështet nga një grup studiuesish nga Universiteti i Sassarit, të cilët së fundi publikuan një studim në revistën ndërkombëtare “Food Control”.

Si u zhvillua hulumtimi

Gjatë studimit, u vlerësua aktiviteti antimikrobik i 13 varieteteve të ndryshme të ullinjve italianë, të gjithë të rritur dhe të përpunuar në Sardenjë, në zonën e Oristanos. Efikasiteti antibakterial i gjetur do të varet nga:

– llojet e baktereve të synuara;

– nga përqendrimi.

Një mbrojtje kundër helmimit nga ushqimi

Eksperimentet mbi matricën ushqimore u kryen duke shtuar në sallata, të inokuluara më parë me dy mikroorganizma patogjenë (Listeria monocytogenes dhe Salmonella), vajra të përftuara nga varietetet Bosana dhe Sivigliana, në sasi të ngjashme me ato që përdoren zakonisht në doza të vetme që shërbehen në restorante.

Rezultatet

Testet kanë demonstruar veprimin e fuqishëm antimikrobik të vajrave të ullirit mbi bakteret kryesore përgjegjëse për helmimin nga ushqimi si Staphylococcus aureus, Salmonella, Listeria monocytogenes dhe Escehrichia coli.

Në veçanti, vajrat e ullirit do të mund të zvogëlojnë përqendrimin fillestar të baktereve patogjene në sallata me më shumë se 90%, vetëm 15 minuta pas shtimit të vajit.

Aktivitet i kufizuar antimikrobik kundër baktereve “të mira”

Eksperimentet treguan gjithashtu se vajrat e testuar kishin aktivitet të kufizuar antibakterial kundër baktereve probiotike, si Lacticaseibacillus paracasei, Lacticaseibacillus rhamnosus dhe Limosibacillus reuteri, të njohura më mirë si Lactobacilli.

Frutat dhe perimet e gamës së katërt nënkuptojnë fruta dhe perime të freskëta, të lara, të prera, të paketuara dhe të gatshme për konsum.

Në treg ka katër gama frutash dhe perimesh, të diferencuara sipas trajtimit industrial të miratuar menjëherë pas vjeljes.

– Gama e parë: fruta dhe perime të freskëta tradicionale.

– Gama e dytë: fruta dhe perime të konservuara.

– Gama e tretë: fruta dhe perime të ngrira.

– Gama e katërt: fruta dhe perime të gatuara dhe të përgatitura, të paketuara dhe të gatshme për t’u ngrënë.

Lexo edhe: Konsumoni 1 lugë vaj ulliri ne mengjes per te pasur keto perfitime.