Në momentin që fillon ushqyerja e fëmijës, një prej ushqimeve më të rëndësishme të cilat i japin atij shumë energji dhe vlera ushqyese janë drithërat.
Drithërat e para: mund të fillohen nga muaji i 5-6. Drithërat janë në formën e miellit, të cilat mund të përgatiten me ujë, qumësht ose lëng perimesh/mishi/peshku. Është e rëndësishme që nëna të respektojë udhëzimet e paketimit në lidhje me masat, në mënyrë që kremi i përftuar të jetë lehtësisht i tretshëm për fëmjën.
Shumë energji: drithërat i japin fëmijës energjitë e duhura për të qëndruar ulur ose ecur këmbadorazi. Rreth 50% e energjisë ditore të fëmijës merret nëpërmjet karbohidrateve komplekse që gjenden pikërisht tek drithërat.
Cilat janë masat?
Këshillohet që prezantimi i drithëave të bëhet në mënyrë graduale në varësi të peshës dhe moshës së fëmijës, në mënyrë që të mos e mbingarkoni organizmin e tij. Edhe pse për këtë duhet të pyesni mjekun, po ju paraqesim disa të dhëna në vija të përgjithshme:
Fillimi i ushqyerjes: 15 gram drithëra (5-6 muajsh);
6-8 muajsh: 20-25 gr drithëra;
9-10 muajsh: 25-30 gr drithëra.
Momenetet e para
Fillimisht duhet t’i jepni fëmijës drithëra që nuk përmbajnë gluten, në mënyrë që të reduktoni rrezikun e shfaqjes sëalergjive dhe intolerancave.
Cilat janë ato?
Mielli i orizit: është ideali për organizmin e pazhvilluar mirë të fëmijës.
Mais&Tapioca: ka një shije më të ëmbël dhe ruan butësinë gjatë gjithë kohës së ushqyerjes.
Po më pas?
Mund të vazhdohet ushqyerja me përdorimin e drithërave të përziera dhe konkretisht përzierjes së: orizit, tërshërës, misrit, elbit, grurit.
Lexoni dhe: Kur mund të filloni tu jepni drithera fëmijve?
Për të lënë një koment ju duhet të jeni regjistruar Identifikohu