Si të gatuajmë gjellë me bizele

0 0

Bizelet janë të pasura me shumë vlera ushqyese, të rëndësishme për organizmin tonë, të tilla si: vitaminat A, B1, C, hekur, fosfor, kalcium etj. Mund të integrohen në shumë receta, por më poshtë po ju tregojmë si ‘i gatuani ato në gjellë.

Përbërësit për një familje me 4-5 persona:

  • 500 gramë bizele;
  • 4-5 thella mishi;
  • një kokërr patate;
  • një qepë;
  • dy karota;
  • 1 kokërr domate mesatare, ose 1/2 lugë gjelle me salcë domate;
  • vaj ulliri;
  • erëza si rigon, kopër, piper dhe hudhra sipas dëshirës.

Përgatitja:

Si fillim ziejmë mishin në një tenxhere me presion përreth 10 minuta pasi të ketë marrë valë. Më pas hedhim vajin e ullirit në tenxhere dhe pasi është nxehur, shtojmë mishin, të cilin mundohemi ta kthejmë nga të gjitha anët për t’u skuqur. Më pas, hedhim qepën, të cilën e kemi grirë imët dhe vazhdojmë t’i kavërdisim me njëri-tjetrin. Kur qepa të ketë marrë ngjyrë, shtojmë patatet, karotat e bizelet dhe vazhdojmë t’i kavërdisim bashkë. Pasi të jenë zbutur pak perimet, shtojmë domaten e prerë në kubikë, ose salcën e domates. Më pas, hedhim ujin sa të mbulohen gjithë perimet e mishi. E lëmë në zjarr maksimal sa të marrë valë, e pastaj ulim nxehtësinë, duke i lënë të ziejnë më ngadalë. Ndërkohë, i hedhim edhe kripë. Kur gjella të jetë drejt përfundimit, sipas dëshirës shtojmë erëzat dhe një thelpi hudhër, të grirë imët. Tashmë, gjella është gati.






Për të lënë një koment ju duhet të jeni regjistruar Identifikohu



Materiale te ngjashme

Si të gatuajmë pavlova? Receta

Përbërësit: 4 të bardha vezësh; 120 gr sheqer; 120 gr sheqer pluhur; 250 gr pana; lëkurë e grirë e një lemoni; 400 gr luleshtrydhe; 40 gr sheqer. Përgatitja Për bazën:...

Pankek me cokollatë, banane dhe...

Pankeku me cokollatë, banane dhe krem Milkadelphia është një recetë e thjeshtë, e shpejtë dhe shumë e shijshme. Shija karakteristike e kremit Milkadelphia do ta bëjnë edhe më të vecantë...

Kumpiri! Për të gjithë ata...

Kumpiri (patatja) edhe pse në forma të ngjashme gatuhet në vende të ndryshme të botës, është një produkt i kuzhinës turke.   Është një vakt i lehtë, i shëndetshëm dhe...

Makarona karbonara me Philadelphia

Kjo është një recetë shumë e thjeshtë, përgatitet shpejt dhe është ideale për ditët kur jeni shumë të zëna dhe doni diçka që bëhet lehtësisht. Me 7 përbërës, 20 minuta...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X