Kek sipas Ledias

Shpesh, çdo të shtunë apo të diel e kemi bërë “zakon” që së bashku me të voglat e mia, të përgatisim një gatim, mbase ëmbëlsirë, dhe sot në vazhdimësi të kësaj rutine, po përshkruajmë recetën dhe përgatitjen e këtij keku, që mbi të gjitha është përgatitur me shumë dëshirë dhe dashuri, nga mua, Perla dhe Abiona. :*

per nenat

0 1

Përbërësit

⦁ Miell – 2 gota uji;
⦁ Sheqer – 1 gotë uji;
⦁ Vezë 3-4 kokrra;
⦁ Sodë një majë luge kafeje;
⦁ Kos- 3 filxhanë kafeje;
⦁ Gjalpë- 1 filxhan kafeje;
⦁ Vaji- 1 filxhan kafeje;
⦁ Kanellë.

Pergatitja:
Në një enë rrahim vezët, më pas shtojmë sheqerin dhe vazhdojmë ta punojmë derisa të kemi një masë kremoze. Shtojmë gjalpin dhe vajin dhe vazhdojmë ta rrahim masën e krijuar. Në fund shtojmë miellin dhe sodën e bukës (kanelle sipas deshirës). Vazhdojmë ta punojmë masën edhe per 2-3 minuta. E hedhim në një tavë të lyer me gjalpë. E vendosim në furrë në temperaturën 180 gradë për 50 minuta, derisa sipërfaqja të marrë ngjyrë kafe.

Keku është gati!