Po afron festa e Halloween-it dhe sapo e përmendim, të gjithëve mendja na shkon te kungulli. Jemi në kohë vjeshte dhe dyqanet janë të mbushur me këtë produkt. Kungulli nuk shërben vetëm si simbol i kësaj feste, por gjithashtu ka vlera ushqyese dhe shije fantastike nëse e përdorim në receta të ndryshme. Më poshtë, po ju tregojmë hap pas hapi, si të realizoni një ëmbëlsirë amerikane me kungull.

Përbërësit:

Për petën:

• 250 gramë miell;
• 100 gramë miell;
• 1 vezë;
• 2 lugë gjelle ujë;
• 1 flakon vanilje;
• 1 lugë gjelle uthull molle;
• pak lëkurë portokalli;
• pak kanellë.

Për mbushjen:

• 900 gramë kungull;
• 125 ml pana;
• 80 gramë ajkë e thartë;
• 150 gramë sheqer;
• 3 vezë;
• pak kanellë.

Përgatitja:

Përziejmë të gjithë përbërësit për petën, duke zënë brumin e butë. Pasi e kemi punuar, e lëmë të pushojë në frigorifer për një orë.

Ndërkohë që brumi pushon, ziejmë kungullin me panën, derisa të formohet një masë kremoze në trajtë pureje. Pasi të ketë zier, e lëmë të ftohet.

Pasi të ftohet, e përziejmë mirë me gjithë përbërësit e tjerë të mbushjes.

Nxjerrim brumin nga frigoriferi, hapim petën dhe sipër shtojmë mbushjen.

E vendosim në furrë të parangrohur dhe e pjekim për 50 minuta në teperaturë 200 gradë Celsius.

Ëmbëlsira është gati!