Sipas një studimi të fundit, nënat që janë në gjendje të ushqejnë me gji për të paktën gjashtë muaj kanë më pak yndyrë në mëlçi dhe një rrezik më të ulët të sëmundjes së këtij organi. Ushqyerja me gji ka një pafundësi përfitimesh si për nënat ashtu edhe për foshnjat. Në mënyrë të veçantë, nënat që i ushqejnë fëmijët e tyre me gji kanë një rrezik më të ulët për sëmundjet e zemrës, diabetin madje edhe disa lloje të kancerit, dhe tani sipas studimit të ri ato mbrohen dhe nga sëmundja e yndryosjes së mëlçisë (NAFLD).

Kohëzgjatja e gjidhënies

Studiuesit ndoqën më shumë se 800 gra për 25 vjet pasi lindën. Deri në fund të studimit, gratë ishin mesatarisht rreth 49 vjeç. Nga këto femra, 32 për qind thënë se i ushqyen fëmijët me gji deri në një muaj; 25 për qind nga një deri në gjashtë muaj; dhe 43 për qind kanë raportuar për gjidhënie në një kohë më të gjatë.

Sëmundja e mëlçisë

Pas kohështrirjes 25-vjeçare, 6 për qind kanë zhvilluar NAFLD, ndërsa nënat që kanë ushqyer foshnjat për të paktën gjashtë muaj kanë qenë 52 për qind më pak gjasa për të zhvilluar sëmundjen e mëlçisë sesa nënat që kanë ushqyer për më pak se një muaj.

Gjidhënia dhe stili i jetesës

Por studimi nuk mund të vërtetojë përfundimisht nëse ose si ushqyerja me gji mund të parandalojë NAFLD. Një faktor mund të jetë që gratë që ushqejnë me gji për periudha më të gjata, por kanë një mënyrë jetese më të shëndetshme, të cilat kanë kontribuar në rrezikun më të ulët të sëmundjes së mëlçisë, ndërkohë nevojiten më shumë kërkime për të konfirmuar potencialin për ushqyerjen me gji për të ndihmuar në parandalimin e sëmundjes.

Lexo edhe: Si e mbron qumeshti i nenes femijen nga infeksionet?