Duke qënë se të gjithë prindërit mundohen të bëjnë më të mirën që dieta ushqimore e fëmijës të jetë e duhura, duhet patjetër të dini edhe përdorimin apo rëndësinë e fiqve.
Vlerat ushqyese të fikut
Fiqtë janë një prej ushqimeve që forcojnë sistemin imunitar të fëmijës, favorizojnë tretjen, si edhe e furnizojnë oranizmin me një sërë elementësh të rëndësishëm për zhvillimin. Ata mund të konsumohen në mënyrë të thatë, ose tani në stinën e verës të freskët. Ata përmbajnë 28% fibra dhe ndikojnë gjithashtu edhe në uljen e glukozës në gjak si edhe kolesterolit. Konsumi i tyre ndihmon gjithashtu edhe në ruajtjen e peshës së mirë trupore.
Fiqtë janë një burim shumë i mirë antioksidantësh, kalçiumi, dhe nëse janë të thatë edhe magnezi, hekuri, kaliumi, vitamine K etj. Gjithashtu fiku përmban edhe 17 lloje aminoacidesh, si edhe acide yndryore në sasi të mëdha. Janë fruta që përmbajnë shumë pak kalori (74 kcal në 100 gr).
Fiqtë dhe shëndeti i fëmijës
Janë përdorur për vite me radhë si një element për të kuruar edhe sëmundje të ndryshme si: epilepsia, astma, problemet me mëlçinë etj, kjo pasi përmbajnë sasi të mëdha vitaminash dhe mineralesh. Sipas ekspertëve, tek fëmijët fiqtë mund të përdoren edhe për të luftuar temperaturën e lartë si edhe konstipacionin. Gjithashtu e mbrojnë fëmijën edhe nga infeksionet pasi kanë veti të mëdha anti-bakteriale , qetësojnë problemet me xhinxhivat e dhëmbëve, si edhe qetësojnë problemet me frymëmarrjen.
Si mund të përdoren dhe kur?
Mund të përdoren në akullore, në kek, drithëra, në copa të vogla. Mund të konsumohen pas muajit të 12. Nëse do t’i bëni pure mund edhe t’i zieni më parë, por mos harroni që të përdorni edhe ujin e zierjes pasi ka shumë elementë të rëndësishëm brenda.
Lexoni dhe: Ushqimi kinez gjatë shtatzanisë
Për të lënë një koment ju duhet të jeni regjistruar Identifikohu