Klienti ka gjithmonë të drejtë!
Ky është parimi kryesor i “të gjitha” bizneseve të suksesshme, por pronari i një kafeneje e ka shkelur këtë parim, duke i kërkuar një klienteje të mos kthehej më në bar.
Në fakt, klientja është ankuar pasi ka parë në një ambient të barit një punonjëse që ka shtrydhur me pompë gjirin e saj. Punonjësja sapo ishte kthyer nga leja e lindjes dhe vazhdonte të ushqente me gji fëmijën. Për këtë arsye i është dashur që gjatë orëve që nuk ishte e pranishme në shtëpi, të shtrydhte gjirin me pompë për ta ruajtur atë për bebin. Kështu, ajo ka zgjedhur një vend veçmas për të kryer këtë proces.
Por, nëna e re është përballur me shikimin e një klienteje që nuk i ka pëlqyer aspak kjo gjë. Më pas klientja është ankuar për këtë episod tek pronari i lokalit, e bindur që do të gjente mbështetjen e tij.
Në fakt, për çudinë e shumëkujt pronari i ka dalë në krah punonjëses së tij dhe i ka kërkuar klientes në fjalë të mos kthehet më kurrë në lokal.
Shpesh na ndodh të dëgjojmë që nënat gjykohen dhe diskrimonohen në punë dhe ambiente të tjera për shkak të ushqyerjes së fëmijëve të tyre dhe kjo gjë duhet të ndryshojë. Secili duhet të japë shembull pozitiv, për të kontribuar sado pak në ndryshimin e këtij mentaliteti.
Lexo edhe: Mbyll dyqanin sepse do te shtrydhte gjirin, shenimi i shiteses
Sorry, there are no polls available at the moment.
Për të lënë një koment ju duhet të jeni regjistruar Identifikohu