Sarah Stage është një modele fitnesi, e cila ka dy fëmijë të vegjël. Më i vogli prej djemve të saj ka pak kohë që ka bërë një vjeç dhe modelja ka vendosur të ndërpresë gjidhënien.
Përmes një postimi në Instagram ajo shpreh gjithë emocionet e bukura dhe trishtuese që e kanë kapur në këtë fazë, duke rikujutar momentet e para që nga lindja e të birit.
“E pra, djali im i vogël, ia dolëm një vit që të ushqeheshe me gji. Nuk ka qenë një udhëtim i lehtë, kur ke qenë vetëm pak muajsh dhe të është dashur të qëndrosh në spital për disa ditë, mendova se me siguri furnizimi im me qumësht do të binte dhe dridhesha kur të shikoja teksa të mbaja në krah.
Por ato momente më bënë të çmoja si thesar kohën kur të kisha në shtëpi të qetë e të shëndetshëm. E kuptova shumë shpejt se ushqyerja me gji ishte opsioni më i mirë për rritjen tënde. Shëndeti yt ishte numri një. Për ne nënat ka shumë presion, por ajo që vërtet ka rëndësi është një fëmijë i shëndetshëm dhe i lumtur.
Pra, mos lejoni që dikush të përpiqet t’ju turpërojë ose t’ju fajësojë për ndonjë gjë. Ju po bëni një punë të mrekullueshme dhe duhet të jeni krenare për veten … nëse jeni duke ushqyer me gji ose jo!
Kishte shumë edhe nga ata njerëz që më kritikonin që bëja aktivitet fizik e më thoshin se do të më ndalonte prodhimi i qumështit. Shumica e tyre nuk ishin as nëna.
Për fat të mirë unë kam lexuar shumë se cilat ushqime e suplemente ndihmonin në shtimin e qumështit të gjirit.
Dhe ja ku jemi me një vit më vonë e me katër dhëmbë më shumë.
Unë nuk jam mjaft e gatshme për të hequr dorë plotësisht. Kam filluar plotësimin e vakteve duke shtuar formulë gjatë ditës për të bërë me gradualisht ndërprerjen.
Sidoqoftë, udhëtimit tonë të ushqyerjes me gji po i vjen fundi. Po qaj sepse nuk je më një i porsalindur dhe në zemrën time dua një fëmijë tjetër të vogël, por ndoshta fati im është të jem nënë e 2 fëmijëve.
Pavarësisht gjithçaje, unë e di se Perëndia na ka bekuar”.
Për të lënë një koment ju duhet të jeni regjistruar Identifikohu