Rosnicat janë një recetë shumë e përdorur nga gjyshet tona dhe tani do të tregojmë hap pas hapi përgatitjen e tyre.

Përbërësit (për një masë):

• 2 gota miell;
• 3 kokrra vezë;
• pak ujë ose qumësht;
• 2 lugë gjelle gjalpë për skuqje;
• kripë.

Përgatitja:

Rosnicat përgatiten me miell, vezë, qumësht dhe ujë e kripë (janë zahire të dimrit). Zihet një brumë i fortë, lihet të pushojë, ndahet në copëza, lihen të thahen pak dhe kalohen në shoshë ose sitë të trashë si trahanaja, përsëri lihen të thahen dhe ruhen në qeska prej cope pambuku që të ajrosen. Rosnicat kur bëhen pilaf skuqen me gjalpë dhe u hidhet ujë në raportin 1:2, pastaj ziejnë sa të bëhet një pilaf i shkrifët.