Brusketa me domate dhe djathë

Përbërësit:

Disa feta bukë (në varësi të numrit të brusketave që do të përgatisni);

2 kokrra domate;

pak djathë;

rigon;

1 lugë gjalpë;

pluhur hudhre;

kripë.

Përgatitja:

Së pari përziejmë gjalpin me rigonin, kripën dhe pluhurin e hudhrës. Me të lyejmë fetat e bukës. Sipër shtojmë domaten e grirë, ose të prerë në feta të holla. Sipër domates shtojmë djathë, sipas llojit që dëshirojmë.

Fetat e bukës me përbërësit sipër, i vendosim në furrë për pak minuta dhe brusketat janë gati.

Brusketa me pancetë dhe kërpdha

Përbërësit:

Disa feta bukë (në varësi të nurmit të brusketave që do të përgatisni);

200 gramë kërpudha;

200 gramë panceta;

pak djathë kaçkavall të grirë;

rigon;

1 lugë gjalpë;

pluhur hudhre;

pak vaj;

kripë.

Përgatitja:

Njësoj si me recetën tjetër të brusketave, në fillim përziejmë gjalpin me rigonin, kripën dhe pluhurin e hudhrës. Me të lyejmë fetat e bukës. Ndërkohë, në një tigan me shumë pak vaj, skuqim pancetat me kërpudhat. Pasi të jenë lidhur me njëra-tjetrën, i shtojmë sipër fetave të bukës.

Në fund hedhim dhe djathin e grirë dhe i vendosim për disa minuta në furrë.

Brusketa me sardele dhe mocarela

Përbërësit:

disa feta bukë;

djathë mocarela;

sardele;

pluhur hudhre;

pak vaj ulliri;

borzilok;

piper i zi.

Përgatitja:

Së pari vendosni bukën për të thekur. Kur të jetë thekur, pluhroseni me pluhurin e hudhrës. Ndërkohë keni prerë mocarelën në feta dhe e keni lënë të kullojë. E shtojmë sipër bukës, sipër saj pak borzilok dhe sardele.