Përbërësit:

1 pako petë;

gjysmë kilogram spinaq;

3 kokrra vezë;

2 copa djathë;

pak gjalpë;

gjethe qepe (nëse dëshironi);

1 gotë qumësht.

Përgatitja:

Marrim petët dhe 2-3 prej tyre i shtrojmë në tepsi. Ndërkohë, në një tas copëtojmë me duar spinaqin,  qepën. Në një enë tjetër rrahim vezët me qumështin, shtojmë dhe djathin e copëtuar. I bashkojmë me spinaqin. Spërkatim petët me pak gjalpë të shkrirë dhe shtrojmë një pjesë të spinaqit me përbërësit e tjerë. Më pas venosim petat e tjera, e kështu me radhë një shtresë me spinaq e një shtresë me petë.

Në fund, rrihni fort një vezë me pak qumësht dhe spërkateni sipër byrekun.

Vëreni në furrën e parangrohur dhe kur ta shikoni se është pjekur mund ta hiqni.