Buka, picat, makaronat… të gjitha produktet këshillohen të jenë prej mielli integral.
Përse kështu?
Sipas ekspertëve të ushqyerjes, mielli i bardhë përmban pak elementë ushqyes krahasuar me atë integral, dhe këtë e pohon edhe mjeku Buccatini, këshillues në “Assiociazione italiana dietetic e nutrizione clinica Onlus”. Sipas tij të gjithë duhet të heqin dorë nga produktet e përpunuara dhe duhet të konsumojnë më tepër produkte integrale, pasi ato i janë nënshtruar më pak proçeseve teknologjike dhe transformuese. Edhe prania e aditivëve (elementë artificialë që i shtohen ushqimit për të rregulluar shijen dhe ngjyrën) është një shenjë e një përpunimi të gjatë dhe cilësie të dobët.
Ndiqni shijen
Sipas mjekut Federico Francesco Ferrero, dietolog dhe fitues i edicionit të 3 të “Masterchef Italia”, shija është një udhëzues dhe aleat shumë i rëndësishëm që na tregon çfarë na bën dhe nuk na bën mirë. Sa më shumë përbërës aromatikë të ketë një ushqim aq më pak vlera ushqyese do të ketë, dhe sa më pak vlera ushqyese të ketë aq më pak shije do të ketë.
Mielli i bardhë dhe vlerat ushqyese
Shumë nga miellrat e bardhë janë produkte të një rafinimi të mirë të grurit dhe përmbajnë pak proteina, vitamina, kripëra minerale etj. Ai ka një nivel të lartë gluteni dhe sheqernash. Për shembull mielli i bardhë tip 00 ka një shije jo edhe aq të mirë por as ndonjë vlerë ushqyese domethënëse, pasi me përpunimin i janë larguar vlerat dhe shija.
Mielli i zi
Quhet kështu ndryshe mielli integral për shkak të ngjyrës që ka, dhe duhet të konsiderohet si një miell tepër cilësor, më i privilegjuari në jetën tuaj! Ai mund të jetë gruri, tërshëre etj, dhe përmban një % më të madhe të krundes. Ai ka më tepër vlera ushqyese pasi gruri nuk është përpunuar në shumë procese gjatë të cilave humb elementët e vlefshëm, dhe kryesisht yndyrnat e mira, vitaminat, magnezin, hekurin, kalçiumin dhe kaliumin.
Për të lënë një koment ju duhet të jeni regjistruar Identifikohu