Kumpiri (patatja) edhe pse në forma të ngjashme gatuhet në vende të ndryshme të botës, është një produkt i kuzhinës turke.

 

Është një vakt i lehtë, i shëndetshëm dhe tepër i shijshëm!

 

Përbërësit që ju duhen për këtë recetë janë:

 

(Duhet njjë patate e madhe për person, receta e sotme është për dy persona, në varësi të numrit të personave mund ta shtoni edhe numrin e patateve)

 

• 2 Patate (të mëdha)

• 2 lugë gjelle gjalpë

• 2 lugë gjelle majonezë

• 2 lugë gjelle ketchup

• ¾ e një gote uji me djathë kackavall të grirë në rende

• 1 gotë caji me misër të zier (ose konservë)

• ½ gotë uji me ullinj (fara duhet nxjerrë)

• 4-5 kastravec turshi të prerë kubik

• Kripë 

• (Sipas dëshirës mund të shtoni edhe përbërës të tjerë)

 

Përgatitja:

  

• Ndizeni furrën që më parë në 200 gradë

• Pasi të keni zgjedhur dy patate me formë të rregullt, lajini mirë, thajini me letër dhe prisni të thahen plotësisht

• Patatet e thara, mbështillini me letër pjekjeje, pastaj edhe me letër alumini

• Vendosini patatet ne fund te furrës dhe sipër tyre vendosni tepsinë e furrës në mënyrë që të krijohet një hapësirë e ngushtë ne të dyja anët e patates

• Lërini të piqen për 90 minuta

• Pasi të jenë pjekur, ndajini me thikë në mes për së gjati, dhe përziejeni pjesën e brendshme të patates me kripë, gjalpë dhe djathë kackavall

• Në fund, vendoseni kumpirin në pjatë dhe hidhni mbi të përbërësit e tjerë sipas dëshirës: misrin e zier, kastravecat turshi të prerë kubik, ullinjtë, majonezën, ketchup etj. 

• Kumpiri është gati!

 

Së shpejti do të ndajmë me ju edhe recetën e kumpirit të gatuar në tepsi.

Ju bëftë mirë!