Dëgjojmë të flasim shpesh në lidhje me ngjyruesit dhe konservantët që ushqimet dhe pijet përmbajnë, por nuk dëgjojmë të flitet në lidhje me aromatizuesit artificialë.

Si ndikojnë këta aromatizues në shëndetin e fëmijës?

Këta aromatizues janë substanca që shtohen në ushqimet industrial për të përmirësuar aromën e tyre duke qënë se ajo nuk është edhe aq e pëlqyeshme si pasojë e përpunimit dhe konservimit në një kohë të gjatë. Aromat nuk ndryshojnë shijen e ushqimit, por ndikojnë në uljen e cilësisë. Ato e bëjnë një pije apo ushqim më të shijshëm por nuk kanë asnjë vlerë ushqyese. Konsumimi në sasi të mëdha dhe në mënyrë të shpeshtë do të ketë efekte tepër negative, sidomos kur vjen puna tek fëmijët pasi organizmi i tyre është ende tepër delikat. Karakteristikat e këtyre ushqimeve nuk janë aspak pranë atyre që janë të përshtatshme për vogëlushët.

Ku gjenden zakonisht aromat artificiale?

• Ato vendosen tek akulloret industriale;
• Tek produktet me bazë soje;
• Në pjesën më të madhe të ushqimeve industrial;
• Tek të gjitha pijet industriale pa përjashtim;
• Tek produktet e tymosura si mishi apo djathi etj.

Zgjidhja?

Konsumoni më shumë prodhime toke dhe evitoni ato të kutive.