Përbërësit për 4-5 persona

• 4-5 peshq mesatarë;
• 1 kg patate;
• 4-5 karrota të mëdha;
• 2 kokrra limon;
• Kripë;
• Piper;
• Vaj ulliri.

Përgatitja

Pastroni peshkun dhe e kriposni brenda dhe jashtë 2 orë para përgatitjes dhe më pas e vendosni në frigorifer të mbështjellë me qese kuzhine. Prisni patatet në copa të mëdha dhe të njëjtën gjë bëni edhe me karrotat, më pas, në një tas i rregulloni me kripë dhe piper të zi të bluar. Pasi ka kaluar koha e duhur, merrni peshkun dhe vendoseni në tepsi të madhe, dhe më pas shtoni në të patatet dhe karrotat. Prisni limonin në feta mesatare dhe vendosini sipër peshkut dhe perimeve. Në fund e spërkasni me vaj ulliri. E mbështillni tepsinë me letër alumini dhe e vendosni në furrë. Pasi peshku dhe perimet kanë arritur në gjysëm pjekje nga avulli i krijuar nga letra e aluminit, e hiqni në mënyrë që peshku dhe perimet të marrin një skuqje në sipërfaqe. Ju këshillojmë që të përdorni peshkun “koce”.

Ju befte mire!

Foto burimi: Revista shije

Lexoni edhe: Efektet e konsumit te peshkut ne shtatzani tek hiperaktiviteti i femijes