Ushqyerja e fëmijës këshillohet të fillohet më drithëra pa përmbajtje gluteni (proteinë e cila mund të shkaktojë alergji tek fëmija), dhe një ndër drithërat e para që duhet t’i jepet fëmijës është mielli i orizit. Në treg mund ta gjejmë miellin e orizit të prodhuar nga firma të ndryshme të specializuara për produkte ushqimore fëmijësh.

Por, cila është mënyra që duhet përgatitur dhe ruajtur mielli i orizit për secilën firmë?

Mielli i orizit Milupa.

Mund të përgatitet lëhtësisht vetëm me ujë të ngrohtë. Shtohen rreth 4 lugë drithëra me 150 ml ujë të ngrohtë ose të zier.

Me një sasi prej 250g.

Plasmon
Mielli i orizit të firmës Plasmon është i pasur me fibra, kripëra minerale si kalcium, fosfor dhe vitamina. Nuk përmban gluten dhe nuk ka nevojë për zierje. Është një produkt që mund të përdoret qysh në ditët e para të ushqyerjes së fëmijës.
– Me qumësht
Hidhni gradualisht 3-4 lugë gjelle nga mielli i orizit në 180-200 ml qumësht të ngrohtë dhe e përzieni për disa çaste. Nëse dëshironi mund të shtoni në pjatë edhe pure frutash.
– Me lëng perimesh/mishi
Hidhni gradualisht 3-4 lugë gjelle miell orizi Plasmon në 180-200 ml lëng të ngrohtë dhe e përzieni për disa sekonda. Për një shije më të mirë mund të shtoni në pjatë pure perimesh si edhe një lugë të vogël vaj ulliri.
Humana
Në përgjithësi drithërat e firmës Humana nuk përmbajnë aroma dhe janë produkte krejtësisht biologjike. Mielli i orizit nuk përmban gluten dhe nuk ka nevojë për zierje.
– Me qumësht
Hidhni 3 lugë gjelle miell orizi Humana në 210 ml qumësht të ngrohtë dhe e përzieni mirë derisa të formohet masë homogjene.
– Me lëng perimesh/mishi
Ngrohni 210 ml lëng dhe më pas shtoni ngadalë 3 lugë gjelle miell orizi si edhe sipas dëshirës disa lugë pure perimesh dhe në fund 1 lugë të vogël vaj ulliri.
Paketimi duhet të ruhet në temperaturë ambienti, në vend të freskët dhe të thatë, larg burimeve të nxehtësisë. Duhet të konsumohet brenda 3 javësh nga momenti i hapjes.
Nutriben
Mielli i orizit Nutriben mund të përdoret duke filluar nga muaji i 4-t. Nuk përmban sheqer të shtuar. Ai është i pasur me vitamina dhe përmban gjurmë qumështi.
Si ta përgatisim?
Miellin e orizit të firmës Nutriben mund ta përgatisni me qumësht ose lëng perimesh/mishi.
Dozat janë këto:
– Për fëmijët 4-5 muajsh
Duhet të treten 2-3 lugë gjelle në 150 ml lëng ose qumësht.
– Për fëmijët 5-6 muajsh
Duhet të treten 3-4 lugë gjelle në 180 ml lëng ose qumësht.
– Për fëmijët 6 muajsh e lart
Duhet të treten 4-5 lugë gjelle në 210 ml lëng ose qumësht.
Qumështi që duhet të përdorni është ai që fëmija pi zakonisht, i cili nëse është formule duhet të jetë i përshtatshëm për moshën e tij. Nuk duhet të shtoni sheqer apo kripë në ushqimin e fëmijës.
Noy Noy
Firma greke Noynoy ofron dy lloje miell orizi, me shije vanilje dhe miell orizi të thjeshtë.
– Miell orizi me shije vanilje
Ky miell duhet të përgatitet vetëm me ujë, pasi përmban qumësht. Ju duhet të tresni 1 lugë (luga matëse ndodhet brenda paketimit) në 30 ml ujë të ngrohtë, 2 lugë në 60 ml ujë të ngrohtë e kështu me rradhë.
– Miell orizi i thjeshtë
Mielli i orizit i thjeshtë i firmës Noynoy mund të përgatitet me qumështin që fëmija pi zakonisht ose me lëngun e perimeve/mishit/peshkut.

Mielli i orizit Holle.

1- Përgatisim paraprakisht 150-170 ml qumësht formulë dhe e lëmë të ftohet pak, dhë pas kësaj shtojmë afërsisht 4-5 lugë pluhur miell orizi nga kutia.

Për më tepër shije, bazuar edhe në preferencat personale, mund të shtojmë edhe pure frutash.

Si të përgatisim miellin e orizit të firmës Mellin?
Mielli i orizit të firmës Mellin nuk ka nevojë për zierje. Ushqimi mund të përgatitet në këtë mënyrë:
– Me qumësht
Herën e parë filloni të tresni rreth 3-4 lugë gjelle miell orizi në 180 ml qumësht të ngrohtë, për ta shtuar më pas sasinë e miellit.
– Me lëng perimesh/mishi
Ju mund të vazhdoni ushqyerjen e fëmijës duke përgatitur miellin e orizit me lëngun e perimeve apo mishit. Ju mund të tresni rreth 5-6 lugë gjelle miell orizi Mellin në 200 ml lëng. Sipas dëshirës mund të shtoni në pjatë edhe disa lugë pure perimesh si edhe 1 lugë të vogël vaj ulliri.

Lexoni edhe: Fillimi i ushqyerjes