Jemi në sezonin e kungujve të ëmbël dhe recetat që mund të përgatisim me to janë të shumta. Më poshtë, po ju sjellim recetën e glikosë.

Përbërësit:

1 kungull i ëmbël – 1 kg pasi është pastruar (i sezonit të vjeshtës)

2 litra ujë të ftohtë

1 lugë gjelle gërqele

Për sherbetin:

700 gramë sheqer

300 mililitra ujë

Përgatitja:

E presim kungullin në copa dhe e pastrojmë nga lëkura. Më pas e presim në kubikë ose në formën e dëshiruar me anë të prerëses së kuzhinës.

Ndërkohë në një tas shtojmë dy litra ujë dhe 1 lugë gjelle gëlqere. I trazojmë mirë, që gëlqerja të tretet në ujë. Më pas vendosim aty copat e kungullit dhe i lëmë përreth 2 orë ose 2 orë e gjysmë.

E heqim kungullin nga uji me gëlqere dhe e shplajmë shumë mirë, derisa të sigurohemi që është i pastër pa asnjë gjurmë të gëlqeres.

Në një tenxhere hedhim sheqerin dhe ujin për sherbet. I trazojmë mirë dhe i lëmë në zjarr të ngadaltë derisa përzierja të marrë një trajtë shurupi. I lëmë në zjarr të ngadaltë bashkë me kungujt. Herë pas here, me kujdes heqim shkumën që mund të nxjerrin.

I lëmë të ziejnë afërsisht 15-20 minuta. Megjithatë, mund ta kontrollojmë nëse kungulli është bërë mjaftueshëm.