Sallata e shefit është një sallatë shumë e lehtë për tu përgatitur dhe me përbërës që mund të zëvendësohen apo kombinohen thjesht.
Per 4 persona nevojiten:
- 400 gr lakër jeshile;
- 300 gr mish (proshutë, gjel deti , mish vici i pjekur);
- 2 vezë të ziera , të prera në feta;
- 1 kastravec i madh, i prerë në feta;
- 100 gr pomodorini (domate qershi);
- 1 avokado e prerë në feta;
- 50 gr djathë zvicerian i prerë në shirita të vegjël.
Përbërës ekstra ( sipas dëshirës)
- Erëza të freskëta (koper, majdanoz);
- Arra;
- Pançetë;
- Qepë;
- Karota të grira.
Për përgatitjen e salcës nevojiten:
- 4 lugë uthull balsamike;
- 1 lugë shurup panje;
- 2 thelpinj hurdhër të grirë hollë;
- 1 lugë çaj me rigon;
- ½ filxhan vaj ulliri;
- ¼ lugë çaj me kripë.
Përgatitja e salcës
Hidhini të gjithë përbërësit në një kavanoz të vogël, vendosini kapakun dhe tundeni fort për pak sekonda.
Përgatitja e sallatës :
- Lajeni dhe thajeni lakrën më pas copëtojeni në copa të vogla.
- Vendoseni lakrën në një tas dhe shtoni ½ e filxhanit me salcë.
- Pasi e keni përzier mire, shpërndajeni lakrën në 4 pjata;
- Prisni mishin në shirita të hollë dhe vendoseni sipër lakrës;
- Më pas vendosini bukur në pjatë vezët e ziera, copat e djathit, fetat e avokados dhe pomodorinit te ndara pergjysmë.
- Shtoni salcë sipas dëshirës.
Lexo dhe: Sallate me laker
Për të lënë një koment ju duhet të jeni regjistruar Identifikohu