Fëmijët tekanjozë në ushqim mund t’ju bëjnë shpesh të humbisni durimin, megjithatë zgjidhja më e mirë është të ruani qetësinë dhe të distancoheni nga çdo akt dhune dhe kërcënimi që fëmija të bëjë atë që doni ju.

Shumë prej jush mund të mendojnë se kjo gjë “s’do mend”, por rrjetet sociale po na japin një shembull të gabuar prandaj është mirë të theksohen këto këshilla.

Përdoruesi i Twitter Rudy Hernandez filmoi veten duke u përpjekur të ushqente nipin e tij foshnjë. Kur djali nuk pranoi të hante, Hernandez më pas pretendonte të përpiqej të ushqente një miush pellushi, i cili gjithashtu refuzoi të hante. Në atë moment, Hernandez pretendoi të dhunonte kafshën dhe menjëherë i ofron më shumë ushqim nipit, si për ta frikësuar.

Dukej qartë që djali ishte trembur nga skena që pa dhe e pranoi ushqimin.

“Kur fëmijët nuk duan të hanë, kjo është ajo që duhet të bëni”, shkruan Hernandez në Twitter. Në më pak se një javë, postimi ka marrë më shumë se 116,000 shpërndarje dhe 300,000 pëlqime. Ajo që është më alarmante, është frymëzuar nga një numër i vogël i prindërve, hallave, xhaxhallarëve dhe kujdestarëve të tjerë që të provojnë këtë truk me fëmijët e tyre.

Ndërsa goditja e një kafshe pellushi mund të duket si një gjest i parëndësishëm për një të rritur, mendoni se sa e frikshme është për një fëmijë. Kukulla e tyre është pothuajse aq e vërtetë për ta si prindërit e tyre, kështu që dëshmia e aktit të dhunës nuk është vetëm tronditëse, është e tmerrshme.

Jo të gjithë prindërit mendojnë se trendi është qesharak. Shumë prej tyre janë shprehur kundër çdo akti dhune.

Lexo edhe: 5 mënyra për të bindur fëmijën tuaj të hajë