Gjidhënia është një proçes që shoqërohet edhe nga disa vështrësi të caktuara, dhe në disa raste nevojitet shtrydhja e gjirit me anën e një pompe ose me anën e dorës. Sipas shefit të neonatologjisë së maternitetit “Mbretëresha Geraldinë” Spiro Damo, rastet kur gruaja duhet të shtrydhë gjirin me pompë janë ato më poshtë.
Rastet kur nëna duhet të shtrydhë gjirin me pompë:
• Kur shfaqet fryrja e gjinjve, nëse i porsalinduri nuk thith shumë fort dhe shpesh;
• Në pritje që fëmija të mësojë të thithë kur gjinjtë e nënës janë të sheshtë ose të futur nga brenda;
• Kur fëmija nuk pozicionohet siç duhet në gji;
• Kur fëmija nuk koordinon mirë thithjen me gëlltitjen;
• Kur fëmija nuk është në gjendje të thithë si pasojë e një sëmundje apo peshe të vogël;
• Për të parandaluar fryrjen e gjinjve apo mpiksjen e qumështit, kur nëna është në punë dhe detyrohet të tejkalojë një vakt të fëmijës;
• Kur gjinjtë janë të çarë, të dhimbshëm apo kanë një problem tjetër;
• Kur fëmija tejkalon një vakt sepse është në gjumë ose i ngopur.
Lexoni edhe: Si edhe sa shpesh duhet te shtrydhim gjirin?
Për të lënë një koment ju duhet të jeni regjistruar Identifikohu