Përbërësit
- 1 kg fiq të vegjël të egër;
- 1.2 kg sheqer;
- 4 filxhanë caji me ujë;
- Aromë vanilje;
- Bajame pa lëkurë;
- Lëngu i ½ kokrre limoni.
Përgatitja
- Hapi i parë që duhet të bëni është të prisni me anën e një thike bishtin e fikut dhe më pas të hapni poshtë tij një vrimë të vogël në mënyrë që të vendosni brenda bajamen.
- I zieni fiqtë brenda një tenxhere me ujë të bollshëm për rreth 15 minuta dhe më pas i kulloni. I vendosni sërish në një tenxhere me ujë të ftohtë dhe më pas i leni në ujë për 24 orë duke ja ndërruar shpesh ujin (3-4 herë).
- I shtrydhni që t’ju dalë uji i tepërt dhe më pas i vendosni brenda copën e bajames, duke i vendosur sipër një cope për të kulluar ujin.
- Vendosni në zjarr tenxheren me ujë dhe sheqerin dhe e trazoni derisa të shkrijë sheqeri plotësisht. E lini të ziejë rreth 10 minuta dhe më pas shtoni vaniljen dhe fiqtë, i lini 15 minuta në zjarr sa të lidhet sherbet, fikni zjarrin dhe më pas e mbuloni tenxheren me një copë. E lini të pushojë për 24 orë.
- E vendosni përsëri tenxheren në zjarr që të trashët sherbet, shtoni lëngun e limonit, dhe më pas kontrolloni fiqtë. Nëse kanë zier i largoni me anën e një luge me vrima duke e lënë sherbetin edhe pak në zjarr në mënyrë që të lidhet. Recelin, ashtu sic është i ngrohtë e hidhni në vazo me kapak dhe e lini përmbys për një natë.
Lexoni edhe: Perfitimet e fikut per femijen tuaj
Për të lënë një koment ju duhet të jeni regjistruar Identifikohu