Frutat janë një nga aleatët e mirëqënies edhe në periudhën e shtatzanisë, kjo pasi ato do t’i japin organizmit shumë fibra, kripëra minerale, sheqerna të mira si fruktoza, të cilat i japin trupit energjinë e duhur. Megjithatë nuk duhet ta ekzagjeroni me sasinë, e cila duhet të jetë rreth 5 porcione. Ato mund të konsumohen pas vakteve kryesore si edhe ndërmjet tyre. Frutat do t’ju ndihmojnë me problemet si konstipacioni dhe hemorroidet.
Cilat janë frutat më të përshtatshme për të luftuar konstipacionin?
Në këtë rast duhet të evitoni mollët e gjalla si edhe bananet, por mund të konsumoni mollë të pjekura, kumbulla si edhe kivi.
Shtatzania dhe mangoja
Për të marrë sa më shumë kalium mund të konsumoni mango, e cila është shumë e pasur me këtë mineral si edhe është e pasur me vitaminë C dhe A. gjithashtu mango e ndihmon shumë sistemin imunitar të fetusit, shikimin por edhe sistemin nervor. Nga ana tjetër kaliumi ndihmon për të mbajtur nën kontroll sistemin e qarkullimit të gjakut.
Kujdes me frutat e thata
Të konsumosh sasi të mëdha frutash të thata nuk është e shëndetshme. Këshillohet të konsumohen rreth 2-3 lajthi ose bajame në ditë para mëngjesit ose gjatë pasdites. Gjithashtu një mënyrë do të ishte edhe vendosja e tyre në sallatë.
Shtatzania dhe lëngjet e frutave
Kujdes me sasinë e lëngjeve të frutave pasi përmbajnë shumë sheqer. Përdorni më tepër portokallin e shtrydhur i cili është i pasur me vitaminë C.
Lexoni dhe:A mund të ndjek një dietë me pak karbohidrate në shtatzani?
Për të lënë një koment ju duhet të jeni regjistruar Identifikohu