Orët e para pas lindjes janë një periudhë e afrimit dhe e njohjes së ndërsjellë, që quhet edhe “bonding”. Menjëherë pas lindjes fëmija ju vendoset mbi bark, ose e merrni në krah dhe e vendosni vetë mbi trupin tuaj. U jepni fëmijës kohë për të kërkuar dhe për ta gjetur vetë gjirin. Kontrollimet e nevojshme të foshnjes zakonisht mund të kryhen mbi barkun tuaj. Në qoftë se fëmija nuk pi gji në mënyrë spontane pas një ore, atëherë mund ta ndihmoni atë duke e vendosur në gji. Mamia do t’ju ndihmojë.

Ditët e para pas lindjes

Gjatë natës së parë dhe në ditët në vijim, ju dhe fëmija do të njiheni edhe më mirë dhe do të mësoni së bashku se si jepet dhe thithet gjiri. Këtë e arrini më së miri, në qoftë se kaloni sa më shumë kohë bashkë, ditën dhe natën.

Keni parasysh se:

• Në qoftë se fëmijën e keni gjithmonë pranë vetes, i mësoni sinjalet e tij më shpejt.

• Fëmijës i duhet dhënë gji aq shpesh, sa herë të kërkojë.

• Gjatë vendosjes vlen: prekja, pritja, tërheqja pranë.

• Gjatë të dhënit gji fëmijën mbajeni afër trupit dhe keni kujdes që fëmija të ketë kapur mirë gjirin.

• Ndryshoni anët gjatë gjidhënies, por të paktën vetëm pas 15 deri 20 minutash të thithjes dhe gëlltitjes në njërin gji.

• Jepini fëmijës vetëm gji dhe i shmangni biberonat, shishet thithëse dhe kapakët mbrojtës për thithat (kokat e silikonit), kështu mënjanoni mundësinë që fëmija të pengohet në mënyrën e thithjes së gjirit.

• Thithat duhet të marrin shumë ajër.

Shenja tipike të urisë në ditët e para mund të jenë:

• lëvizjet thithëse dhe kërkuese;

• zhurma të thithjes;

• dora i afrohet gojës;

• zhurma me zë të ulët si gugatje ose rënkim.

Ndihma e parë në rast të problemeve gjatë ardhjes së qumështit të ndërmjetëm (pas kulloshtrës):

• Para vendosjes së foshnjes në gji mund t’ju ndihmojnë shumë kompresat e ngrohta.

• Jepni gji aq shpesh sa herë të kërkojë fëmija, sa më shpesh.

• Mund t’u bëni një masazh të butë gjinjve para se të jepni gji.

• Në qoftë se foshnja për shkak të enjtjes së gjinjve tuaj e ka të vështirë kapjen e gjirit, atëherë e fërkoni gjirin që të dalë pak qumësht, deri sa të jetë zbutur zona të cilën duhet të kapë fëmija.

Lexoni edhe: A mund te ushqeje nje nene me gji nese ka temperature? 

')}