Që të gjitha nënat të kenë më të qartë atë çfarë ndodh në trupin e tyre gjatë 40 ditëve të para pas lindjes, gjinekologia Lucia Grassi përgjigjet:
- Përse shfaqet gjakderdhja e madhe?
Ato shfaqen si pasojë e pastrimit të endometriumit (veshja e mureve të mitrës), duke mundësuar kthimin e organit në gjendjen e mëparshme. Këto rrjedhje shfaqen tek gruaja pavarësisht mënyrës së lindjes. Kujdesi për higjenën intime duhet të jetë maksimal. Nëse keni mundësi mund të përdorni si mbrojtje garza pambuku të cilat kanë më pak rrezik për të shfaqur alergji.
- “Pickimet e uterusit”, çfarë janë?
Pas lindjes mitra duhet të kthehet në gjendjen e mëparshme, proces i cili shoqërohet me një ndjesi të bezdisshme pickimi, ndjesi e cila është më e madhe në momentin që fëmija pi gji, kjo pasi gjatë gjidhënies çlirohet më tepër oksitocinë (hormoni përgjegjës i kontraktimeve të mitrës).
- Është normale ndjesia e tërheqjes tek penjët e epiziotomisë (qepjes vaginale)?
Gjatë dy ditëve të para është normale të ndieni dhimbje dhe për këtë arsye duhet të qëndroni sa më shumë në pozicione të rehatshme dhe me këmbët mbledhur. Ditën e tretë do të ndieni kruarje dhe në ditët në vazhdim penjët do të fillojnë të zhduken.
- Po hemorroidet do të zhduken?
Hemorroidet nuk do të zhduken menjëherë, por do të kalojnë me kalimin e ditëve. Merrni sa më shumë fibra si edhe bëni ecje. Këshillohen shpëlarjet me ujë të vakët.
- Do të jetë i vështirë urinimi?
Po, por është diçka kalimtare. Këshillohet të pini sa më shumë ujë si edhe të shkoni shpesh në banjo.
- Kur mund të kryejmë marrëdhënie seksuale?
Në përgjithësi mund të filloni pas 40 ditëve (6 javë). Megjithatë duhet të keni kujdes me plagën. Nëse ajo nuk është mbyllur nuk duhet të kryeni marrëdhënie. Përsa i përket ovulimit duhet të dini se ndodh edhe nëse nëna ushqen fëmijën me gji.
Lexoni edhe: https: Lehonia, 40 ditet speciale
Për të lënë një koment ju duhet të jeni regjistruar Identifikohu