Pasi keni kaluar 9 muaj duke u rezervuar në të ushqyer si edhe në pijet që konsumonit, tashmë fëmija ka dalë nga trupi juaj por sërish varet nga ju. Ai ushqehet me gji! Pra lind sërish dyshimi nëse duhet apo jo të konsumoni diçka të caktuar.
A mund të konsumojmë alkool gjatë gjidhënies?
Edhe kjo është pjesë e dyshimeve që ju si nënë mund të keni, pasi jeta vazhdon dhe ju do të mund të shkoni në një festë, në një darkë, e madje mund të keni dëshirë edhe të pini diçka në shtëpi vetëm apo nën shoqërinë e dikujt tjetër. Në këtë moment përgjigja do të ishte, në mënyrë të moderuar! Në çfarë kuptimi? Për shembull ju duhet të përpiqeni të konsumoni një pije pasi fëmija juaj ka pirë, pasi është ka rënë të flejë, pra kur jeni të sigurta se për një kohë relativisht të gjatë nuk do ta ushqeni me gji.
Alkooli futet në qumështin e nënës rreth 30-60 minuta pasi është konsumuar dhe për një nënë me peshë normale do të duhen 2-3 orë në mënyrë që organizmi i saj të nxjerrë jashtë alkoolin e marrë nga një gotë birrë apo verë. Sa më shumë alkool të konsumoni aq më shumë orë do të nevojiten që të nxirret jashtë. Nëse ju do të konsumoni sasi të mëdha alkooli mund të duhen edhe 13 orë për tu pastruar.
Po nëse e pompojmë dhe e derdhim atë qumësht?
Qumështi juaj do të përmbajë alkool përsa kohë ai do të ndodhet në trupin tuaj. Që do të thotë edhe nëse ju e pomponi atë qumësht dhe nuk ja jepni fëmiëjs, nëse nuk kalon koha e nevojshme sërish nuk mund të pretendoni se keni qumësht të pastër. Pra duhet të keni shumë kujdes me sasinë që konsumoni.

Sorry, there are no polls available at the moment.

')}