Stili i jetesës në adoleshencë, mënyra e ushqyerjes, aktiviteti fizik, përdorimi i substancave të dëmshme mund të ndikojnë në pjellorinë vitet e ardhshme si tek vajzat ashtu edhe te djemtë.
Adoleshenca përfaqëson periudhën në të cilën identiteti gjenetik i dikujt dhe lloji i dietës më së shumti ndikojnë në përshtatshmërinë e mikrobiotës, grupi i mikroorganizmave që vendosen në zorrë. Aktiviteti fizik, nëse është i rregullt atëherë përfaqëson një burim themelor për një ekuilibër të mirë metabolik dhe një zhvillim adekuat të sistemit muskuloskeletal dhe vaskular.
Rregullat e pjellorisë
Rekomandimet e përgjithshme dietetike në favor të fertilitetit janë: shmangia e yndyrave të ngopura, preferenca ndaj bukës, makaronave dhe orizit, marrja e proteinave bimore, përqëndrimi në prodhimet sezonale dhe konsumi i rregullt i frutave dhe perimeve. Për meshkujt këshillohen antioksidantë të tilla si qershi, çokollatë e errët, karota dhe çaji jeshil – të cilat luftojnë stresin e shkaktuar nga kolesteroli, diabeti, pirja e duhanit, që mund të dëmtojë procesin e spermatozoideve apo prodhimit të spermës.
Sjelljet e rrezikshme
Përveç ushqimit të parregullt, alkooli dhe pirja e duhanit gjithashtu kanë efekte të caktuara në fertilitetin dhe janë të shoqëruara me sjellje të rrezikshme seksuale. Alkooli ndryshon prodhimin e hormoneve dhe nuk është i favorshëm për performancën seksuale.
Një në tre vetë në botë konsumojnë alkool rregullisht (2.4 miliardë, duke përfshirë 1 miliard e gjysmë meshkuj dhe 900 milionë gra), zbulon një studim i botuar në revistën mjekësore Lancet.
Lexo edhe: Traumat ne adoleshence demtojne zhvillimin e trurit
Për të lënë një koment ju duhet të jeni regjistruar Identifikohu