Problemet që mund të shfaqen gjatë gjidhënies janë të shumta dhe disa prej tyre mund të shfaqen tek thithat e gjinjve. Edhe pse ndër më të njohurit mund të përmendim ato që kanë të bëjnë me irritimin dhe çarjen e tyre, duhet t`i kushtojmë vëmendje edhe një dëmtimi tjetër të thithit.

Kur tek thithat shfaqet myk

Gjatë këtij infeksioni gjiri merr një ngjyrë si të peshkut koran dhe dhemb shumë, me disa dhimbje djegëse që shpërndahen në të gjithë gjirin.

Në këtë rast mund të kemi një infeksion prej mykut. Prania në thith e disa pikave të bardha që shfaqen gjithashtu edhe në gojën e fëmijës, e vërteton këtë sëmundje.

Si bëhet trajtimi?

Mjekimi është shumë i thjeshtë, por duhet të trajtohen njëkohësisht si nëna dhe fëmija. Për fëmijën bëhet pastrimi i gojës me anë të një garze, të cilën e kemi zhytur në ujë me sodë buke me një përqëndrim 5 %, ose duke përdorur një “xhel” që përmban një ilaç kundër mykut. Mund të përdorim dhe pluhur Nystatine, të cilin e hedhim në gojën e fëmijës pak para se ta ushqejmë. Kurse nëna duhet të mjekojë gjirin me një pomadë që përmban një mjekim kundër mykut. Por më e rëndësishme është që nëna të mos ta mbajë të lagësht gjirin, por ta thajë atë. Tharja e gjinjve nuk duhet të bëhet me anën e fërkimeve por me anën e prekjes delikate të thithave.

Lexoni edhe: Disa probleme gjate gjidhenies