Sistemi nervor i fetusit fillon te zhvillohet rreth javës së tretë pas konceptimit. Në pjesën e parë të shtatzënisë, zhvillimi i trurit është më i shpejtë se trupi. Periudha kritike për zhvillimin e tij është midis javës së dymbëdhjetë dhe të gjashtëmbëdhjetë, e cila fillon diferencimin neuronal, ku krijohen fusha të ndryshme të trurit, përgjegjës për kontrollin dhe koordinimin e të gjitha funksioneve organike.
Formimi i neuroneve arrin maksimumin në mes të muajit të dytë dhe të pestë të shtatzënisë, për të arritur në maturim pas lindjes.
Si zhvillohet truri i fetusit
Zhvillimi i trurit vjen nga një rresht i qelizave që vendosen përgjatë pjesës mbrapa të fetusit dhe pastaj ato do të formojnë tubin nervor. Pjesa e parë e këtij të fundit do të përbëjë trurin, ndërsa pjesa e prapme do të formojë kurrizin.
Gjatë shtatzënisë, pjesët e ndryshme që përbëjnë trurin, sigurojnë funksionet primare të trurit që ndihmojnë fëmijën të jetojë dhe zhvillohet gjatë periudhës së shtatzanisë. Ndryshe nga organet e tjera që tashmë funksionojnë, truri nuk është ende gati për të kryer të gjitha funksionet që do të jetë në gjendje të bëjë më vonë, sepse lidhjet mes pjesëve të ndryshme ende nuk janë formuar. Do të jetë e nevojshme të presësh që fëmija të hyjë në kontakt me mjedisin e jashtëm.
Zhvillimi i nervave dhe organeve shqisore
Në javën e tetë të shtatzënisë, aktiviteti synaptik është zhvilluar mjaftueshëm për të lejuar përkuljen e qafës dhe trungut. Rreth javës së dhjetë, stimujt e lokalizuar mund të shkaktojnë lëvizje të syrit, hapjen e buzëve, mbylljen e pjesshme të gishtërinjve dhe përkuljen e këmbëve. Fëmija do të ketë aftësinë për të mbyllur plotësisht grushtin nga muaji i katërt i shtatzënisë dhe të gëlltiti.
Nga muaji i shtatë, sytë e fetusit janë bërë të ndjeshëm ndaj dritës, por aftësia për të perceptuar forma dhe ngjyra do të jetë e plotë pasi të ketë bërë 1 vjeç.
Lexo edhe: Zhvillimi i femijeve sipas gjinise
Sorry, there are no polls available at the moment.')}
Për të lënë një koment ju duhet të jeni regjistruar Identifikohu