Pse rritja e barkut gjatë shtatzënisë mund të jetë në formë “koni”?

Gjatë shtatzanisë, është e zakonshme që gratë të pësojnë ndryshime fizike në trupin e tyre.




0 1

Ekzistojnë ato ndryshime të dukshme si pigmentimi i lëkurës, zmadhimi i gjoksit dhe rritja e barkut nga foshnja. Sa i përket formës së përgjithshme të barkut  gjatë shtatzënisë, shumica e grave presin që barku i tyre të jetë në formë të rrumbullakët.

Megjithatë, ndonjëherë, forma ndryshon sa herë që fëmija lëviz në bark, diku pas muajit të 7. Me pak fjalë, ndërsa dita e lindjes afrohet, barku në rritje fillon të marrë forma të çuditshme për arsye të ndryshme. Por, çfarë po ndodh nëse barku gjatë shtatzënisë po merr formën e një koni në vend të jetë i rrumbullakët si supozohet?

Në fillimin e shtatzanisë tuaj (kryesisht deri në 12 javë), mitra ka formën e një dardhe. Që nga ky moment, ndërsa fëmija fillon të rritet brenda barkut, mitra fillon të zgjerohet dhe kështu veprojnë edhe muskujt e barkut për t’u akomoduar. Në këto moment në trupin e gruas fillon të shfaqet rritja e barkut e cila zakonisht është e rrumbullakët.

Laura Mazza, një grua shtatzënë ka publikuar në profilin e saj në facebook se si barku mori formë koni. Ajo mendoi se ishte shpina e foshnjës që ndoshta në ato momente po dukej tek barku.

Por ajo nuk e dinte se janë gati dy të tretat e grave shtatzëna që e përjetojnë këtë fenomen. Kjo është një gjendje e quajtur “Diastasis Recti”, që do të thotë ndarje abdominale (muskulore). Ndarja e muskujve në vetvete është e dukshme gjatë shtatzanisë pasi fëmija në rritje shtyn muskujt e mitrës. Kjo sjell ndarjen e anës së djathtë dhe të majtë të muskujve të barkut. Sidoqoftë, kur të dy këto grupe të mëdha paralele të muskujve të barkut, të cilat takohen në qendër të barkut, ndahen nga një distancë anormale, kjo bën që barku të zgjatet.

Ka shumë arsye pse kjo shkaktohet gjatë shtatzanisë, si për shkak të më shumë se një fëmije në bark, shtatzënia pas moshës 35 vjeç, etj.

Gratë që përjetojnë “diastasis recti” kanë shumë gjasa ta vërejnë këtë vetëm kur muskujt e barkut janë të tensionuar, si në rastin e Laurës. Ato gjithashtu mund ta vërejnë atë kur lëvizin nga një pozicion i shtrirë në një pozicion për t’u ulur.

Kjo gjendje mund të sjellë dobësimin e muskujve të barkut, dhimbje të shpinës, vështirësi në ngritjen e objekteve dhe ndërhyrje në aktivitetet rutinore të jetës së përditshme. Sidoqoftë, pas lindjes së fëmijëve, kjo gjendje mund të tejkalohet nga ushtrime specifike. Në raste të rralla kur shkakton probleme të rënda shëndetësore, mund të rekomandohet një operacion.

Pra, ndërsa vetë Laura nuk ishte në dijeni të kësaj gjendje, postimi i saj fitoi shumë vëmendje në mediat social. Shumë gra që prisnin rë bëheshin nëna treguan se edhe ato e kishin përjetuar këtë gjendje por nuk ishin të vetëdijshme dhe ishin mirënjohëse që kjo u soll në vëmendjen e të gjithëve.

A njihni edhe dikë që është shtatzënë dhe mund të jetë duke kaluar një gjendje të ngjashme? Apo e keni provuar vetë? Na tregoni se si e trajtuat atë duke komentuar më poshtë.

Lexo edhe: A ndikon madhesia e barkut ne shendetin e bebes?



  1. Pse rritja e barkut gjatë shtatzënisë mund të jetë në formë “koni”? – Pergrate

    […] Pse rritja e barkut gjatë shtatzënisë mund të jetë në formë “koni”?||KLIKO KETU PER TE LE… […]

Për të lënë një koment ju duhet të jeni regjistruar Identifikohu



Materiale te ngjashme

Sa duhet të ecë një...

Të qëndruarit aktiv gjatë periudhës së shtatzanisë është një nga këshillat më të vlefshme si për shëndetin e nënës, ashtu edhe për foshnjën që do të vijë në jetë. Megjithatë,...

Nëse nëna pi duhan në...

Nëse nënat e ardhshme pijnë duhan gjatë shtatzanisë, fëmijët e tyre kanë më shumë gjasa të vuajnë nga psoriasis në fëmijëri. Kjo përcaktohet nga një studim i publikuar në Gazetën...

Si mund ta realizoni testin...

Të gjitha mikeshat tuaja flasin për testin Nifty? Keni lexuar për të nëpër forume, Facebook, dhe për më tepër nënat e ardhshme kanë shumë komente për të. Por cili eshte vendimi...

A mund të konsumoj peshk...

Peshku shpatë në shtatzani Konsumi i peshkut gjatë shtatzanisë rekomandohet absolutisht për shëndetin e mirë të nënës dhe fëmijës. Sidoqoftë, ka disa peshq që duhet të shmangen gjatë shtatzanisë, sepse...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X