Venat e dukshme në fytyrë, quhen ndryshe venat merimangë, sepse shtrirja e tyre ngjan me këmbët e një merimange. Venat merimangë kanë tendencë të shfaqen nën sy, ose në faqe. Vende të tjera të zakonshme përfshijnë qafën, gjoksin, duart, parakrahët dhe veshët.
Ato zhvillohen në shtatzëni, veçanërisht në tremujorin e parë dhe në tremujorin e dytë. Kjo është për shkak se ato janë të lidhura me nivele më të larta të hormonit të estrogjenit që qarkullon në trupin tuaj.
Rreth një e katërta prej nesh kanë një ose më shumë vena merimangë. Ata janë të padëmshme dhe zakonisht nuk janë një shenjë e sëmundjes dhe vetëm shumë rrallë shkaktojnë probleme të tilla si gjakderdhja.
Venat merimangë shpesh përmirësohen rreth muajit të gjashtë apo shtatë pas lindjes së fëmijës suaj. Ndërkohë mund t’i mbuloni ato me make-up.
Nëse venat nuk përmirësohen pas shtatzënisë, është e mundur që të bëni kirurgji me lazer. Megjithatë venat merimangë konsiderohen si një problem kozmetik.
Lexo edhe: Muaji i 4 i shtatzanise, simptomat dhe perjetimet
Për të lënë një koment ju duhet të jeni regjistruar Identifikohu