Nuk ka një kohë të caktuar kur nënat e ardhshme do të fillojnë të duken që janë shtatzënë. Çdo grua është e ndryshme.

Nëse jeni nënë për herë të parë, barku juaj mund të fillojë të rritet dukshëm mes javës së 12 dhe 16.  Nëse nuk është fëmija i parë, barku mund të fillojë të shfaqet më herët. Kjo ndodh për shkak se muskujt e mitrës dhe barkut mund të jenë shtrirë që nga shtatzënia juaj e mëparshme.

Në ditët e para të shtatzënisë, mitra juaj është formën e një dardhe. Gjatë 12 javëve të para, ajo gradualisht bëhet më e rrumbullakët derisa të jetë rreth madhësisë së një qitroje. Në atë kohë fillon të duket barku.

Kjo rritje e hershme e barkut është vetëm pjesërisht e shkaktuar nga fëmija juaj në rritje. Para 12 javëve, fëmija është ende një embrion. Ai nuk ka nevojë për shumë hapësirë akoma!

Në javën e 16 të shtatzënisë, mitra juaj do të shtrihet për t’u përshtatur me fëmijën që po rritet.

Megjithatë, ka disa faktorë që ndikojnë në kohën se kur ju do të dukeni që jeni shtatzanë. Mosha është një prej tyre. Nënat më të vjetra duken më parë se ato më të reja. Kjo, sepse gratë e reja i kanë më të fortë muskujt e barkut, të cilët i fshehin më mirë gungat.

Gjenet gjithashtu mund të kenë një rol përcaktues.

Pesha është një tjetër faktor gjithashtu. Nëse para shtatzanisë keni qenë e shëndetshme, do të mund ta fsheni pak më gjatë në pamje shtatzaninë tuaj.

Nëse barku juaj po rritet më shpejt se sa pritej, mund të jetë për shkak se:

• trupi juaj po siguron yndyrë për fëmijën;
• mbledhja e ujërave;
• fryrja;
• kapsllëku.

Një mundësi tjetër është që ju të jeni shtatzënë me binjakë.

Nëse barku duket më vonë se sa pritej, mos u përpiqni të shqetësoheni. Ju mund të keni një mitër të kthyer, që ndodh në 15% të grave shtatzëna.

Lexo edhe: Çfare tregon madhesia e barkut per shtatzanine?

')}