Këshillohet që nëna të ushqejë fëmijën e saj me gji sa më parë të jetë e mundur, madje menjëherë pas lindjes. Gjithçka duhet të fillojë me kontaktin lëkurë me lëkurë, i cili do të favorizojë ushqyerjen me gji. Duhet të dini se cdo nënë ka mjaftueshëm qumësht për fëmijën e porsalindur, i cili ka një stomak me përmasa aq të vogëla sa do të ishin të mjaftueshme shumë pak ml për ta bërë të ndihej i ngopur.

Ti nuk ke qumësht mjaftueshëm!

Sigurisht që ke! Çdo nënë ka! Kulloshtra që prodhon gjiri juaj është mëse e mjaftueshme për të plotësuar nevojat e fëmijës derisa qumështi i vërtetë të vijë. Shpesh nënat krijojnë idenë se nuk munden të ngopin fëmijën e tyre pikërisht nga këto mendime negative që shprehen tek ajo!

Qumështi i parë: kulloshtra

Kulloshtra është qumështi i parë që prodhohet në gjirin e nënës dhe është shumë i pasur me antikorpe. Në ditën e tretë do të fillojë të shfaqet qumështi i vërtetë, dhe deri atëherë kulloshtra do të jetë e mjaftueshme për fëmijën. Gruaja duhet të mos i japë në asnjë mënyrë fëmijës qumësht formule.

Fillojnë rrjedhjet e gjakut

Pasi fëmija ka ardhur në jetë është shumë normale që nëna të ketë gjakderdhje, të cilat nuk duhet të ngatërrohen me menstruacionet pasi bëhet fjalë për mbetjet e uterusit të cilat dalin jashtë trupit të saj. Gjatë 3-4 ditëve të para këto rrjedhje janë të bollshme, me koagula gjaku dhe me ngjyrë të kuqe, por më pas bëhen më të çelëta. Higjena intime duhet të jetë e përkryer në mënyrë që të parandalohet ndonjë infeksion i mundshëm.

Nëse nëna ka Rh negativ

Dicka e tillë është e qartë që në shtatëzani. Në shtatëzaninë e parë kjo gjë nuk ka pasoja negative për shtatëzaninë e parë, por për pasardhësen po, për këtë arsye në rast se nëna lind një fëmijë me rhezus pozitiv, gjatë 72 orëve të para i injektohet 350-400 mg gamaglobulinë anti-D.