Falë gjetjes së ditëve fertile ju do të mund ta keni më të lehtë të ngjizni një fëmijë.
Por si ta bëjmë të mundur përcaktimin e kohës fertile?
Ditët fertile do të llogariten duke u nisur nga cikli juaj menstrual. Duke filluar nga dita e parë e menstruacioneve zhvillohet folikuli, proçes i cili zgjat 14 ditë (faza folikulare), fazë e cila pasohet nga faza tjetër (luteinike) e cila zgjat gjithashtu 14 ditë. Ditët fertile të gruas janë midis ditës së 12 dhe 16 nga dita e parë e ciklit.
- Mukusi çervikal
Në momentin që afrohet dita e ovulimit mukusi çervical do të rritet dhe ju do të keni sekrecione të shumta transparente. Sekrecionet do të ngjajnë me të bardhën e vezës. Kjo konsiderohet si periudha më e mirë për të ngjizur një shtatzani.
- Temperatura trupore
Në ditët fertile do të vihet re një rritje e temperaturës trupore me rreth 0.5 gradë. Pra ajo mund të shkojë 37 gradë.
- Testi i ovulimit
Këtë mund ta gjeni në farmaci dhe mund të kryhen duke u vendosur nën fluksin e urinës për 5 sekonda dhe më pas të prisni disa minuta.
- Monitorimi me anën e ekografisë
Nëse keni vështirësi në perceptimin e sinjaleve që trupi juaj ju jep, mund të shkoni dhe të bisedoni me gjinekologun. Me anën e ekografive vaginale gjinekologu mund të vërejë madhësinë e folikulit kryesor (tek ai që do të ndodhë ovulimi) dhe në momentin që ai ka arritur përmasat 20 mm duhet të kryeni marrëdhënie. Pra atë ditë ose ditën tjetër.
Lexoni dhe: A mund të ndodhë ovulacioni më shumë se njëherë gjatë një cikli?
Për të lënë një koment ju duhet të jeni regjistruar Identifikohu